قبل الأزمة كان في اقتراحين:
1- زيادة الحد الأدنى للأجور (مع تحفظي على الجريدة لكن التقرير مهم)
https://www.independentarabia.com/node/361541/%D8%A7%D9%82%D8%AA%D8%B5%D8%A7%D8%AF/%D8%A3%D8%AE%D8%A8%D8%A7%D8%B1-%D9%88%D8%AA%D9%82%D8%A7%D8%B1%D9%8A%D8%B1-%D8%A7%D9%82%D8%AA%D8%B5%D8%A7%D8%AF%D9%8A%D8%A9/%D9%85%D8%A7%D8%B0%D8%A7-%D9%86%D8%B9%D8%B1%D9%81-%D8%B9%D9%86-%D8%A7%D9%84%D8%AD%D8%AF-%D8%A7%D9%84%D8%A3%D8%AF%D9%86%D9%89-%D9%84%D9%84%D8%A3%D8%AC%D9%88%D8%B1-%D9%81%D9%8A-%D9%85%D8%B5%D8%B1-%D9%85%D8%B9-%D9%85%D9%88%D8%AC%D8%A9-%D8%A7%D9%84%D8%BA%D9%84%D8%A7%D8%A1%D8%9F
2- تطبيق ضريبة الأرباح الرأسمالية على البورصة المصرية:
https://gate.ahram.org.eg/daily/News/204336/136/881163/%D9%85%D8%AA%D8%A7%D8%A8%D8%B9%D8%A7%D8%AA/%D9%88%D8%B2%D9%8A%D8%B1-%D8%A7%D9%84%D9%85%D8%A7%D9%84%D9%8A%D8%A9-%D8%A7%D9%84%D8%AA%D8%AC%D8%A7%D9%88%D8%B2-%D8%B9%D9%86-%D8%B6%D8%B1%D9%8A%D8%A8%D8%A9-%D8%A7%D9%84%D8%A3%D8%B1%D8%A8%D8%A7%D8%AD-%D8%A7%D9%84%D8%B1%D8%A3%D8%B3%D9%85%D8%A7%D9%84%D9%8A%D8%A9-%D9%84.aspx

الحالة دلوقتي: بعد التعويمات الأخيرة الزيادة الحقيقية في الأجور تعتبر ملغية، بل يمكن قلّت .. ضريبة الأرباح الرأسمالية اتأجلت (اتلغت) .. الاعتمادات المستندية اتلغت. كل دا كان ليه؟
#مصر #تعويم_101

كل تعويم في أساسه هو رهان على أجور أرخص. حلم لاستخراج قيمة أكبر بمقابل أقل.

اللي حصل قبل التعويم في مصر كان إضراب لرأس المال، محدش استجرأ يقولها حتى المواقع المعارضة، مع إنها كانت واضحة زي الشمس والزعيم جري يسمع مطالبهم في مؤتمر اقتصادي وسايبنا احنا نعفّن في نكتة الحوار الوطني.

بلد مشهورة بعقاب الأفراد على أبسط نقد وعقاب المجموعات على مجرد التنظيم، دايماً هتجذب كل عرص حرامي ومستغل علشان عارف إن الناس مش هتقدر تتكلم .. أتمنى بس نكون فهمنا قواعد اللعبة
#تعويم_101 #مصر #اقتصاد

الأحسن من تخفيض الأسعار، هو المطالبة بزيادة الأجور، بالذات الأقرب للحد الأدنى للأجور، علشان:
★ تأثيرها بيستمر وقت أطول.
★ ضغط أكبر على الدولة توقف التضخم.
★ الزيادة في الأجر تقدر تصرفها براحتك، مش في منافذ ومنتجات وناس محددين.
★ بتفيد فئات الدخل الأدنى أكتر.

★★★ بتساعد أكتر لتنظيم العمال والموظفين
#تعويم_101 #رفع_الأجور #أجور

طب بالنسبة للأسعار؟ في حاجات فعلا أسعارها مبالغ فيها وتستاهل نطالب بتخفيضها. بس أغلب مطالبات تخفيض الأسعار بتنتهي بـ:
★ وقت قليل والأسعار تزيد تاني.
★ تخفيض محدود (منتجات محددة، في أماكن محددة، لناس محددين) .. فكر في منافذ ومنتجات الشرطة والجيش وكروت الدعم.
★ عز الطلب للمصدّرين.
★ أغلب التخفيضات بتيجي من الحكومة أو تسريح عمال أو سرقة أجورهم .. مستحيل من أرباح الشركات.
#تعويم_101 #أسعار #تخفيضات #أجور

- بدل ما تحاول كبلد سياحي تعلّي مستواك وتنافس فرنسا وإيطاليا وتجذب زباينهم، تنزل لمنافسة بلاد أقل منك.
- نفس الكلام في الاستثمار، مع فرق إن المستثمر بياخد مميزات أكتر بسعر أقل، ومفيش ضمانات إنه هيزود استثماراته، ولو زود مفيش ضمانات إنه ميحتكرش السوق بيها.
- مصدّر مواد خام (رخام مثلا) وصناعات بسيطة بيكسب كتير. لو بيصنع حاجة معقدة وفيها نسبة مدخلات مستوردة عالية، مالوش ميزة تنافسية.
- قطاع الخدمات بيستفيد جداً لأن أكبر جزء من مصروفاته على الأجور (3)
#تعويم_101 #سياحة #استثمار #صناعة #خدمات

"الميزة التنافسية" في حالة التعويم بتبقى أسعار محلية أرخص نسبياً للأسعار العالمية، بالأخص (المنتج المحلي - المواد الخام - العمالة) وبتسمح لقطاعات زي (الاستثمار - التصدير - السياحة) بمنافسة أكبر مع الدول اللي كانت أسعارها أرخص مننا قبل التعويم، للأسف ده سباق نحو القاع .. (2)
#تعويم_101 #ميزة_تنافسية