RT 風巴 @Windseasonbro

最近香港政府及商界，都提出要復興香港 #夜市、香港 #夜生活，其實呢件事並唔容易，亦唔係想做就做到。

首先，大家要諗下香港幾時開始無咗夜生活？呢條問題相對簡單，大家亦有答案，一般人嘅答案就係疫情期間，政府禁夜晚堂食之後，間接令香港人習慣提早歸家，改變咗不夜之城香港嘅生態。

呢個係部分正確，疫情前正值『2019光復香港時代革命』嘅運動，當年大家每晚嘅夜生活就係光復香港，香港嘅夜生活何止五光十色，幻彩詠香江都無當年全港觀星筆閃得咁燦爛。

再上一個，就係2016年本民前捍衛本土小販於農曆新年賣串燒嘅夜市而發生嘅『魚蛋革命』，諷刺嘅係，當年捍衛本土夜市嘅本民前，包括天琦，都已經被捕甚至放咗監，天琦亦因入獄而無參與過2019年『光復香港時代革命』而消失喺人前，本土派土崩瓦解，而保蝗黨甚至政權而家卻提出要『復興香港夜市』。

但今日我哋唔講動盪年代嘅夜生活，亦唔講2014、2016、2019年嘅嘢先，先從民生上其他角度探討一下，何謂香港夜生活？

以風巴愚見，夜生活絕跡嘅原因係:
1) 幾十萬中產移民，同時每日150個同專才都係窮撚多。
2) 香港經濟真係差，公司都賺唔到錢，炒人、減薪及凍薪者不計其數，錢少咗自然使少D。
3) 朋友都移晒民，自己一個搞Gathering？
4) 疫情三年改變飲食文化及使錢習慣。
5) 政府一向都打擊香港本土文化如大排檔。

以風巴愚見，夜生活有以下幾個範疇：
第一，黃賭毒
第二，飲飲食食
第三，波樓、保齡、機舖、網吧、K房、戲院

如果政府要搞夜市，夜生活，最好就係趁10月31日萬聖節，邀請唔同國家嘅人嚟香港，成個月都扮鬼扮馬，一定成功。
第一，畫面好靚
第二，係唔係好International呢？
第三，『KOL效應』

不過，始終香港嘅夜生活缺乏實體同靈魂，以前香港嘅霓虹燈夜景堪稱一絕，如今同珍寶海鮮坊一樣消失於人前。

不過老實講，經濟好先有用。喺八九十年代，香港人經濟極好，生意好，大多數人每年搵得比之前多好多、香港文化界又百花齊放，自然願意喺生活上使更多；而家香港啱啱相反，大多數人對未來有不確定性，人工都少咗、文化界受到極大嘅打壓，樣樣都會慳住慳住...

要光復香港夜生活，談何容易？一個未光復嘅香港，一個霓虹燈消失嘅香港，有乜吸引之處？

當香港掌權人要大家參考中国城市嘅夜市，我會問佢哋班撚屌，班支那人想要一個點嘅香港？