⬇️ 附帶一提，專訪比卡超嘅Friday XXXX都唔係乜嘢好東西。
Youtube channel 其他精選節目包括：
稱許elon musk解決台灣問題（就係之前大家都覺得佢on9嘅嗰個idea）
話中國駐英大使館衝突入面，俾人打嘅其實係使館人員
大力吹奏比卡超，“Hong Kong is back”
話西方媒體妖魔化香港，雙重標準云云
聲稱新疆無種族清洗
……
可能佢被放喺無人理嘅HKIBC到，所以無人知；不過以佢網上面活躍表現嚟睇，可能又係中國大外宣……呀唔係，係「說好香港故事」嘅一環。🌚
#鍵盤戰視

#鍵盤戰視 2023年，大台由翡翠台變成翡（空格）翠（空格）台🫢

矛盾大對決：
（好似）撐藏獨所以辱華嘅荷里活西人影星
對
代言牌子N年前辱華就即刻割蓆嘅荷里活華人影星
dochi？
#鍵盤戰視
https://youtu.be/8O784P2hP4g

#鍵盤戰視
停咗嘅鐘，一日總有兩次係準嘅。
就嚟回帶一下，2011年嘅亞視：
https://youtu.be/etqW2lJMroA

返返嚟香港，無咩人想知嘅嘢：
大台同志真人騷《仔仔一堂》嚟緊月尾出街，套嘢本身預訂上年出街，但之後傳啲膠層唔鍾意雪埋一二邊，甚至考慮過上其他串流平台。

不過個人對呢套嘢唔多樂觀。以大台近年嘅呢類節目嚟睇，不外乎係 a)搞爛個市，令觀眾更快對類似節目生厭（例如聲夢）；又或者 b)以少數群體做賣點，但內容大多都係貶低甚至諷刺佢哋為主（表表者首推N年前嘅網絡挑機）。

結合埋大台對上一次出名嘅同志角色，都係比較傳統、娘娘腔式表達嘅蘇基（都成十年前……），感覺今次呢場騷都係拎住少數呢個牌頭，實質比較偏近傳統甚至歧視性小眾嘅節目。
#鍵盤戰視

#鍵盤戰視 雜崩能嘅少少觀察🧐
612案今日裁決，吳靄儀一行人由法院行出嚟時一如以往咁扑咪，喺各大傳媒啲咪牌前面講嘢。

有趣嘅係，除咗慣常嘅本地媒體、網媒同國際傳媒之外，今次仲有一個撈稿好似一pair括弧咁嘅電視台咪牌。

嗰個台其實就係捷克嘅公共電視台Česká televize，前身橫跨捷克同斯諾伐克，喺1953年創立，然後喺92年兩國解體之後分拆而成。

關於捷克，之前都係聽到佢哋大力支持台灣，對香港嘅睇法反而少啲。唔知呢個台今次點解跟得咁貼呢？

佢哋嘅報道（捷克文）： https://ct24.ceskatelevize.cz/svet/3546228-soud-v-hongkongu-pokutoval-kardinala-ktery-pomahal-zadrzenym

熄電視：新聞台21號開台！
英文台是日節目：
請睇隔離台！
請睇隔離台！
請睇隔離台！
請睇隔離台！
請睇隔離台！
……
（cc @ahkwanlouis）
#鍵盤戰視

即使咁，請好好保留佢喺你心裏邊尚未崩壞嘅部分。咁嘅品行難免令人髮指，但佢哋以往的確陪你度過寂寞嘅夜深、引過你大笑、甚至啟發你人生路向。佢哋未變質前嘅作品，甚至係呢個城市嘅legacy—君不見外國仲有幾多人被成龍喺武打片嘅身手吸引？

接受過往嘅每個時刻，先可以見證一個人點樣變壞，然後擁抱完好嘅自己向前走。可以回看，但不必悲秋。

喺一個正常嘅社會，愛邊個明星本來係個人嘅自由選擇。可悲嘅係，因為一個扭曲嘅國度諸多前設，令我哋聽歌睇戲都在意自己嘅前設，只想找下一個聽得明、講得出人話嘅伴，越找越不樂觀，其實好L攰。

利申：鍾意過 Uncle Roger，甚至寫過兩篇關於佢嘅功課，但完sem之後就……🥟🥟🥟

#鍵盤戰視

近排林二汶嘅事，要勸嘅勸咗，要𦧺嘅照𦧺，誰是誰非唔講咁多。明星KOL轉呔乃常事，小弟都瀨過嘢，喺度分享下我覺得點先可以無（咁）痛分手。

最重要嘅，係同你偶像保持安全距離。須知道明星同KOL有檯面嘅形象人設，同真實嘅佢哋可以相去甚遠。愛一個偶像嘅時候，請唔好假設佢同你喺所有議題上都同步一致。

我知當局者迷，但起碼唔好捧佢上天，當所有批評佢嘅人係欺凌佢。對某啲人嚟講，無缺陷嘅只得耶穌/穆罕默德/佛祖（總之唔會係玄武），斷估佢都未位列仙班啩？飛得越高，只會跌得越痛—其實政治人物都係咁。

當佢哋做事違背你價值，請大大力hold them accountable，尤其平時形象開明嗰啲。正面啲諗，當越多人質疑佢哋嘅選擇，佢哋越唔可以忽視你哋嘅聲音（花式自殺嘅例外）。就算佢一意孤行，當你確切知道同你同聲同氣嘅嗰個人已經消失，心入面都少啲牽掛。

#鍵盤戰視

《雙牛記》 #鍵盤戰視
以前有一座山峰，山峰上有一條村莊，村民都以睇牛屙屎為樂。

一直以嚟，村莊只得一隻牛，喺佢青壯時固然有麝自然香，但係隨住佢越嚟越老，排出嘅廢棄物都不堪入目。眾人都期待新牛、新屎、新構思，就係咁等咗幾十年。

有一日，一個後生仔拉住一隻新牛上山。呢隻新牛起初相當瘦削，個個對佢無咩期望。但係，佢排出嚟嘅排泄物反而內有乾坤—啲牛屎，有陣咖喱除㗎！只係佢啲靚飼料要啲時間分解，所以先至無咩聲氣。村民知道咗之後，個個爭相去睇新牛，連帶佢嘅屎都有人炒。

直到有一日，村民睇新牛嘅糞便嘅時候，聞完陣咖喱味之後，隱約聞到陣好似舊牛屎嘅味。原來，原本嘅後生仔專心調配咖喱味屎嘅飼料，隻牛交咗畀舊牛嘅農夫照料。坦白講，村民其實預咗呢一日—村莊嘅土壤長期有利舊牛成長，甚至連以前嘅新牛都要跟住舊牛嘅腳步。

之不過，佢哋對呢隻新牛仍然保有希望，仍然繼續愛戴佢。然後，呢隻牛嘅舊牛味越嚟越濃，村民就好似瞓喺底下鋪咗粒豆嘅床咁，耿耿於懷，但粒聲唔出。

#鍵盤戰視 你以為你有得揀？
//曾任亞視駐廣州記者的史可為，將會主管有線中國組。史可為2000年入行做報章記者，2005年轉到亞視，之後做過深圳衛視，2011年轉到中央電視台做駐港記者，曾經去利比亞採訪內戰，被圍困酒店。//
Link 01 唔貼
//結果，有線中國組新班底登場，當中狂用黨媒的片段，只是找了臨急受命的有線新聞國際組的張偉聰旁述。據稱在多個故仔負責撰稿的宋啟春，過往也是在黨報工作，主要語言更是普通話。//
https://www.winandmac.com/2021/01/cable-news-new-china-beat-copying-ccp-mouth/

#鍵盤戰視 Not Gonna Watch 新聞
//進行直播的記者是林芸生，消息指兩個月前空降《Now新聞》任助理副總裁，他曾經是親建制KOL、親中媒體《HKG報》前總編輯等。業內消息指，因記者不足，林芸生周四（21日）自告奮勇首次出鏡進行直播，惟專業水平受到傳媒人士質疑。//
https://www.rfa.org/cantonese/news/htm/hk-media-04222022074813.html

#DayByDay 斷咗N日：
其實開呢個欄，係因為平時大家喺其他social media睇咗好多政治評論/鳩噏，嚟到呢個少人啲嘅地方，希望可以睇啲唔關事嘅片放鬆下。
但係嗰日一係無嘢寫，一係無片夾到或者嚴重到難以落筆，再唔係就變成口水嘢，無咩實際嘢俾到人。就係咁，就一路hold住咗。
我都希望繼續寫落去，不過就要等到我真係有靈感嗰時先寫落嚟，唔好夾硬寫喇。

#鍵盤戰視：
其實年初係有啲嘢想寫（港台仲衹係嫌LMF嘅歌粗俗嘅時候啊🙈） ，但係因為俾自己啲assignment綁手綁腳無落筆。到得閑嗰時，香港已經恍如隔世喇。
嚟緊都希望可以將我鍾意嘅嘢，同香港嘅事連繫埋一齊，俾大家一個唔同嘅角度。不過都係要睇下題材啱唔啱。

#藍絲亂話錄：
標題改自一個推友嘅欄目，其實衹係鳩寫嘅啫。建議大家：要將自己激到爆血管嘅話，可以睇YT嘅「讓你耳目一新的影片」 ，掃完會想插盲自己對眼同埋割咗對耳仔。

#Wan6Zoeng3：
由Twitter移植過嚟，死咗好耐喇。

大致上係咁，嚟緊會休息一陣，不過會繼續做CD-Rom，同埋偶爾留下言👋

今個禮拜最震撼嘅新聞，莫過於塔利班閃電攻陷阿富汗，建立政權。新聞媒體自然對呢件事有深入嘅報導分析，當中塔利班發言人同BBC記者嘅突發訪問更令人意外。

//英國廣播公司一名記者今天在新聞直播中途，突然接到武裝組織塔利班發言人直接打到她手機上的電話，她在一度驚慌之後鎮定下來，順利進行訪問。
這名記者叫做哈金（Yalda Hakim），她出生在阿富汗，於1986年遷居澳洲。當塔利班發言人夏亨（Suhail Shaheen）的電話打來時，她正在做直播訪問。
當時她低頭看了看，似乎有點慌亂，但很快就順利把夏亨轉到直播訊號上。她急忙確認觀眾能聽到夏亨的聲音，並讓夏亨自我介紹。//
－出自台灣中央社： https://www.cna.com.tw/amp/news/firstnews/202108170186.aspx#

#鍵盤戰視

#鍵盤戰視
李八公與其慢慢抽慢慢抽
倒不如佢直接將成個香港電台併入央視個體系入面
先死而後快😔
（依家咁係凌遲處死🤦‍♂️

#鍵盤戰視
英國電視發燒友點睇BBC World喺中國被禁？

中國廣電總局之前宣佈禁止BBC國際新聞頻道喺中國落地，被視為對BBC喺維吾爾人、武漢肺炎同香港嘅報道，以至英國Ofcom熄CGTN機嘅報復措施。小弟今次又上英國電視發燒友嘅討論區，睇下佢哋點睇。

由於呢個話題喺討論區有個固定嘅thread，所以今次討論比較零散，我哋先由碎濕嘅講法開始：有啲網民覺得呢件事同之前英國禁CGTN有直接關係，有人擔心BBC記者喺中國嘅待遇同人身安全，亦有人提及港台停播BBC國際新聞節目嘅安排。

而據一個喺上海住咗兩年嘅網民分析，呢個舉動看似大膽，但其實只係做樣。正如BBC嘅網站同app要翻牆先上到，BBC國際新聞頻道喺中國並唔普及：喺外國嘅連鎖酒店，或者用IPTV機頂盒先睇到。而後者不受禁令影響，佢本人甚至喺被禁嗰朝，開住個台食早餐。

由於唔普及，BBC新聞對中國人而言相當新鮮，例如上佢屋企check嘢嘅包租公見到佢嘅電視畫面就非常驚艷；所以佢同意上述講法，擔心中國驅逐外國記者，尤其有早幾年嘅先例，同之前外媒報導中國肺炎同香港情況累積嘅仇恨之下，可以預計呢個就係中國嘅下一步行動。
1/2

#鍵盤戰視 #throwback
英國電視發燒友點睇CGTN被熄機？

今個月頭英國通訊管理局Ofcom宣布收返CCTV大外宣頻道CGTN喺英國嘅播映牌照，香港網民固然興奮，但係最切身嘅英國觀眾又點睇？小弟一直對電視台徽呢類嘢有興趣，對英國電視又有啲認識，今次就上英國電視發燒友嘅討論區，睇下佢哋嘅睇法。

TLDR：不痛不癢、氣若游絲、唇亡齒寒。

望曬三頁Thread，有網友對Ofcom呢個時候做決定感到意外，但對CGTN毫不可惜。但有網友感到糾結：一方面認為電視台有言論自由，但又覺得英國近年有吹捧本國政府，帶動風向嘅外國電視台－唔係禁曬，但喺明知對方唔會俾英國電視台進入本國嘅情況下，唔應該俾對方嘅電視台喺大氣電波有無限自由。但其他人覺得，言論自由適用喺一啲公共、獨立機構，唔係散播片面假資訊嘅官媒，Ofcom都唔應該用報復心態處理；亦有人認為係信任嘅問題：佢即使欣賞CGTN嘅文化節目，都留意到佢嘅新聞係暗啞底偏幫一邊嘅－好似佢無報到早期香港示威咁。

1/2