Tagesabläufe sind so einfach geplant. Doch der Realisierung kommt leider viel zu oft der Alltag dazwischen.

#amwriting #daybyday #continuity #poetry

https://scriptorium77.com/2023/04/28/tageszeiten/

🧠 is bad today and I'm getting really overwhelmed but i managed to do some dishes and take a shower. It's the little victories we gotta celebrate. #autism #mentalhealthawareness #daybyday

#DayByDay 8/2/2022
作為喺大學「唔打針就cut你course」申報制度下打咗兩針嘅人，香城新嘅所謂「防疫」荒撚謬措施，其實理論上影響唔到我。

但係，喺收緊嘅政策下，行街剪頭髮甚至返屋企呢啲大家習以為常嘅動作，變成我呢類打針人士嘅privilege。而喺唔同渠道下，我一直吸收唔少人嘅負面情緒：佢哋可能係企硬唔打針嘅人，或者覺得「清零」係唔可能嘅人，以至一啲呻「香港人自己攞嚟」嘅人。可能係罪疚感，或者覺得自己係享受「歲月靜好」嘅一群，我好憎呢種無謂嘅segregation。I'm not affected from it, but I still hate this bullshit.

可悲嘅係，就算我哋知呢啲係bullshit，又點？遊街不可，媒體煙滅，least I could do，衹有打幾隻字，記住呢份恨意，係咁多。😔

#DayByDay 斷咗N日：
其實開呢個欄，係因為平時大家喺其他social media睇咗好多政治評論/鳩噏，嚟到呢個少人啲嘅地方，希望可以睇啲唔關事嘅片放鬆下。
但係嗰日一係無嘢寫，一係無片夾到或者嚴重到難以落筆，再唔係就變成口水嘢，無咩實際嘢俾到人。就係咁，就一路hold住咗。
我都希望繼續寫落去，不過就要等到我真係有靈感嗰時先寫落嚟，唔好夾硬寫喇。

#鍵盤戰視：
其實年初係有啲嘢想寫（港台仲衹係嫌LMF嘅歌粗俗嘅時候啊🙈） ，但係因為俾自己啲assignment綁手綁腳無落筆。到得閑嗰時，香港已經恍如隔世喇。
嚟緊都希望可以將我鍾意嘅嘢，同香港嘅事連繫埋一齊，俾大家一個唔同嘅角度。不過都係要睇下題材啱唔啱。

#藍絲亂話錄：
標題改自一個推友嘅欄目，其實衹係鳩寫嘅啫。建議大家：要將自己激到爆血管嘅話，可以睇YT嘅「讓你耳目一新的影片」 ，掃完會想插盲自己對眼同埋割咗對耳仔。

#Wan6Zoeng3：
由Twitter移植過嚟，死咗好耐喇。

大致上係咁，嚟緊會休息一陣，不過會繼續做CD-Rom，同埋偶爾留下言👋

#DayByDay 7/9/2021
喺夏天，蟬會「知了」「知了」咁叫自己嘅別名；可能因為同一個季節，有啲人一直「從而」前「從而」後，嗌到自己好似一條「蟲兒」咁。
但以食物鏈嚟講，蟲係會俾雀食㗎啵。食呢條蟲嘅，又會唔會係一隻鷹🦅？
咁咪即係意味住香港就算有国家嘅底氣支撐，仍然難敵美國帝國主義？咁不斷用呢個term嘅人咪即係透過使用呢個詞，從而變成諧音笑話，建立對國家同政府嘅嘲諷，從而令香港人受影響，從而更睇低、厭惡香港政府、中央政府，從而危害國家安全？
點解呢條蛇想放毒，但係最後咬到自己條尾呢？與其咁樣搏版面，我都係靜靜地坐喺場邊度食幾粒M&M🍫算啦。

#DayByDay (56K Ver.) 1-5/9/2021
最近中國不斷「整頓」唔同範疇：教育、企業，連追星、打機、唱歌都要管。喺呢個大環境下，香港無疑有山雨欲來嘅感覺：當藍絲連你信咩教、追邊隊偶像團體都認定你係「黃屍」嘅時候，浪衹會越嚟越大。
佢哋以為一個個海浪冚過嚟嘅時候，「香港人」呢群頑石會逐漸磨圓，成為佢哋想要嘅形狀。但香港人早已縮成沙粒，喺巨浪拍岸嘅時候順住濁水飄流，尋找自己嘅位置。
【沒意見/你想怎樣我都隨便】
有啲人順住新嘅遊戲規則玩，以為可以充當一角，但其實衹係刻意靜音嘅道具，係背景嘅陪襯而已。又有啲人係沙粒，但自覺自己係未被發掘嘅玻璃鑽石，但當潮水一來，一切空話都被捲走。
【甚麼時候我們開始沒有了底線/順着時代的改變看那些拙劣的表演？】
喺呢齣醜劇下，仍然有人敢搣飛割凳，更係難能可貴。人可以被帶走，但凳上嘅痕跡仍然係最真實嘅證明。
（喺構思呢篇嘢嘅夜晚，AlwaysWithKrisWu又成為咗「中國香港特別行政區」Twitter嘅熱門hashtag－説好嘅「整頓飯圈」呢？）

#DayByDay 31/8/2021
PRINCE EDWARD STATION:
ON THIS SITE, IN 2019,
NOTHING HAPPENED

💐🕯

－
【央視一分鐘】突發：831香港地鐵恐怖襲擊事件｜眼球中央電視台
https://youtu.be/fbbowiTJssY

#DayByDay 30/8/2021
練習一：仿作句子
例：如果道歉有用，要警察做咩？
如果警察有用，要「私刑」做咩？
如果寄刀片有用，要風骨做咩？

－
【放蛇捕獲】Rock哥 VS 戀童色魔（約13歲男童性行為）色魔：曾付$100給未成年少年發生性行為（上集）－Rock哥
//消息指，案件涉及Youtube頻道名稱是「Rock哥」，影片在上星期一上載，傍晚經已下架。//
出自商台： https://www.881903.com/news/local/2407307

#DayByDay 24/8/2021
喺左報連番攻擊下，香港終於連電影都容不下，在物理上同精神上「斷片」。

物理上的斷片，自然係有愈嚟愈多電影好似影意志送審嘅光碟一樣：唔准上畫，碎屍萬段。先不論政治諷刺嘅作品如表姐系列，西方英雄片、歷史片甚至港產武俠片都可能喚起觀眾武力推翻政權嘅想像，何況如變型金剛4、金剛哥斯拉般直接摧毀香港嘅大片？長此之下，敢拍片嘅人越嚟越少，衹有樣板戲嘅香港電影自此「斷片」。

另一種「斷片」，就係上層人士嘅斷片。唔知係咪飲得太多茅台，中港官員前後講嘅嘢唔同得如斷片，重複甚至相矛盾。唔記得自己輕佻地形容police state已經令人側目，而用同一種語氣形容中國官員赴港解説「有何不可」；基本法下嘅種種自由，三杯兩盞下肚後突然加上愛國嘅前設；對於佢哋嚟講，英治時期港產片嘅開放風氣更如酒醉嘅幻想，恍如南柯一夢。最後讓香港人灌醉抽離嘅娛樂消失咗，但酒醒後嘅劇烈頭痛仍然伴隨每一個人。

話説回頭，上述兩大巨片都被批評犯駁誇張，完全唔係香港人熟悉嘅香港。但係睇見政總被巨獸炸開嘅快感，反比現實嘅種種實在許多。

#DayByDay (Ver. 56K) 20/8/2021
大家好，我係茶記，做日本仔生意嗰時就係日頭，瀨中國鞋底嗰時呢就係夜晚。
呢幾年香港市興起咗一陣「愛國愛港」風，即係見到後生仔阻住條街就可以鬧佢係昆蟲、受唔知邊個唆擺。我比起其他人起步慢，但係當我剪返自己喺架車入面鳩叫嘅畫面，我就覺得自己好型，好撚有正義感。
不枉我多晚聲沙，終於有一班正常人欣賞我，仲俾我借鄧太黐，唔係，為正義發聲，指控嗰啲篤眼篤鼻嘅人。
嗰日下晝，我企喺元朗喊冤，嗌嗌下見到有個白色背心嘅阿伯行過嚟。佢仲唔係嚟讚我鬧得好講得啱？嗰刻，我眼下衹期望得到元朗同胞嘅認可。我嗌住熟悉嘅口頭禪，拉個阿伯過嚟，想寫個可歌可泣嘅「保家衛族」故事。
但係阿伯就無跟住劇本行，仲要自爆，講到可以俾人拉。我縮咗沙，收返支咪，講幾句打圓場，不敢望阿伯，費事俾人覺得我同佢有拏捘。但係我望咗，阿伯仍然故我嘅眼神，我仲好記得。
阿伯俾差佬拉咗之後，我唔單衹尷尬，仲好後悔。我好想攬住而姐嘅雙腿大喊一埸，但係依家，我得返自己一個。
－
【好尷尬啊！】分享尷尬．生活愉快 #1｜Pomato 小薯茄
https://youtu.be/Il1Y8b5DHRs

#DayByDay 16/7/2021
琴日小弟喺一個英文新聞睇到一連串支離破裂嘅留言，覺得有啲手痕就cap咗落嚟，跟住就同大家翻譯同吐槽一下（括號入面嗰啲）。

－
樓主A：我想同香港嘅示威者講（你喺呢度講應該無乜人睇到，因為幾乎每一日都有人入監倉）：我们都是中国人（睇到呢度已經唔想睇落去：種族上我哋可能都係中國人，但係國籍同上絕對唔係）。唔該你哋，當鬼佬派物資支持你哋示威嗰時（？？？）唔好再同佢哋交流啦（香港唔係一個technically國際城市嚟咩？）。鬼佬想打低我哋（刪）中國人。所以，請唔好投降（向邊個先？講前文後理應該係向鬼佬，但無主語下我都可以拗係向中國政府）。我哋都同住亞洲㗎。我哋應該同西方世界對抗。我哋應該為我哋嘅自由反抗（已觸犯蟈安法😏）。我哋要制止鬼佬喺未搞掂本國問題嘅時候，就周圍亂搞（基本邏輯：他國唔得唔等於中國係完美㗎🤦‍♂️）。我哋要捍衛身為中國人同亞洲人嘅權利同主權。所以請你哋唔好再示威，企喺我哋呢邊鬥爭啦（你鬥埋我嗰份啦🙄）。

好撚精彩，下續

#DayByDay 14/8/2021
今日唔講香港政治嘢，衹想問一句：
請問我上緊微博嗎？？？

－
【匪情透視】匪外交部記者會：就奧運全球辱華進行回應｜眼球中央電視台
https://youtu.be/aMr4sY5NAlE

#DayByDay (Ver. 56K) 12/8/2021
【博恩夜夜秀】欸！假訊息－STR Network
https://youtu.be/VYTD_s7Nt1g

喺專門fact check嘅page，網友對於黃營或者政權嘅假資訊，總係好似呢條片引用嘅惡搞片咁，覺得呢啲衹係「暫時」嘅流料，政權要做嘅話又真係做得出。將呢種態度同諷刺恥笑藍絲嘅謠言對比，可能有啲雙重標準。

但難怪香港人有呢種心態：當一個邊緣嘅宗教團體同一日可以宣佈同否認退出香港嘅時候，呢種浮動不安嘅氣氛令唔少人向最壞嘅方向去諗。

而要人唔諗到呢啲論述，小恩小惠、民生政策恐怕都難以紓解。除咗從根本解決呢種情緒，可能衹有用煲敲傻香港人，呢種心態至會消失。可悲嘅係，呢度又可以套用開頭所講嘅邏輯：呢個方法好極端，但政府要做嘅話，真係做得出。

#DayByDay 10/8/2021
當今政府就似經常抱怨學生太嘈嘅老師，就算班房鴉雀無聲，仍然會嫌「仲聽到聲」......
一年前，我哋以為香港已經噤聲，
一年後，在上位者「仲聽到聲」－聽到唔滿意佢哋嘅雜音。
接下來，要靜音嘅仲有邊個？

#下一個是誰
－
博恩站起來－【那一年】
https://youtu.be/RtXrYlQxme4

#DayByDay 9/8/2021
喺IG見到呢條連登嘅問題，今晚就貪得意嚟答下：
1. 香港推圈嘅拗撬：又嚟料啦🤦‍♂️
2. 大學校舍：起初係悼念某啲人嘅學生唔入得 ，之後係冇打針嘅連家屬都唔入得。長此落去，八大校舍好快變封塵嘅歷史古蹟。
3. lCAC：原來會做嘢...但係會睇人做嘢
4. 公器：講咗好多次，拼入去CCTV啦屌。
5. 常識：做緊訪問時唔聽其他人電話，係基本禮儀，而唔係人哋恩將仇報（同埋其實柒婆報咗咩恩俾李慧詩？起單車館？）。同理，唔將他人嘅動作輕易動物化，亦係基本態度。

但慶幸我哋仲有 6. 對明日嘅憧憬同希望：多謝咁多位俾香港人一線光明嘅運動員！

－
柒婆被cut線，我諗起嘅唔係佢打俾武漢港人，而係安德尊：
警訊《由你話事cut巨獎》有獎 真係唔要？feat. 安德尊－Jackz
https://youtu.be/NZB2ZTtCcZ0

#DayByDay 5/8/2021
有啲人可能會發覺呢個專欄近排斷下斷下。荒謬事，香港當然每日都唔少；問題係，我諗唔到要點樣輕鬆啲，用一條（非政論類）嘅片表達出嚟。今日無疑輕鬆少少，於是諗起一個Youtuber－Pleasant Green。

一般人收到詐騙msg，可能會直接block咗佢，呢個Youtuber反而同佢玩落去。雖然大部分嘅case都係騙子消聲匿跡告終，但係有啲就喺對話間講到自己際遇不濟，而被迫走上呢條路。而佢就不斷鼓勵呢啲人睇返自己嘅社區有咩需要，再落手落腳幫手，將精神放返喺佢哋住緊嘅社區，而唔係榨取其他人。

當你覺得生活無得再爛嘅時候，望下身邊嘅人同事。當你為判決鬆一口氣、為在外嘅運動員歡呼嘅時候，話唔定你會睇到一絲光芒，繼續行落去，甚至鼓勵其他人一齊行？

－
Scammers are Impersonating YouTubers!－Pleasant Green
https://youtu.be/-CpkNJx_7bs

#DayByDay 1/8/2021
有些人跌宕過後回來，有一堆人排着隊逃出去；但有些人出走了，卻回不了來。

逝者難以挽回，但在離別前，但願我們可以跳最後一隻舞，聽最後一首歌。

－
Serrini•要做更壞的事 (19911127 The Last Dance) [張學丘 X INK Remix] － Beat Friday
https://youtu.be/KwWVB-Jxpj4

//這個 都市 陸沈後 再悼別
這晚 來迷失大意義
想個 主意 怎可以
用餘下眼淚沈澱 遺憾事

來被我 玩弄 盡情 虛耗
我把你 困在 熱情 國度
明日 要是 沒人 挨得到
抱緊愛 當做活著 無退路//

//來吧 你別讓 熱情 虛耗
勇敢愛建立自由國度
來日更豔麗動人起舞
抱緊你 要是活著無退路

空虛的清早
陪伴我更好
光陰他等不到
誰浪費美好

無退路//

#DayByDay 30/7/2021
圖入面嘅YouTube封面，係一個藍絲channel嘅live。的確，香港運動員用自己嘅實力喺國際舞台發光係構成一個共同身份嘅其中一個方法。但係，咩人都可以講呢個論點，就你班藍屍無。

睇下自己兩三日前講過咩鬼話，究竟：
當運動員用汗水為城市重燃曙光，邊個特登捉錯用神，直接令佢多年嚟嘅努力毀於一旦？
當全世界憤怒地追究責任時，又係邊個用中國式民族主義推搪包庇，仲指責返受害者轉頭？
當全城為本土運動員歡呼，又係邊個不斷強調「中國」大於「香港」，然後再（莫名其妙地）捉disregard前者身分認同嘅人？

見未真，勿輕言。諗真啲再講，對你哋真係咁難咩？柒咗，咪認衰囉。點解衹係一味強調運動員要「不受客觀環境影響」，但發覺唔到自己連一件黑衫都容不下？

－
The Undebunkable－Captain Disillusion
https://youtu.be/sWy1qmMoToM

#DayByDay 28/7/2021
今日我哋見證咗一個精英運動員被「中國特色」政治正確擊敗。黑色原是平常不過，但一些人硬要把它抹成萬惡之源（而完全諗唔起佢哋喺一個漆黑嘅夜晚為所欲為）。佢哋一旦盯上任何人，嗰個人所做嘅任何事都可以被大肆批評；不論成功失敗，不論有理無理，所有人都要照佢哋嘅「正道」而行。

可以預計，運動員嘅專業地位會備受質疑同鄙視，佢哋一兩晚前嘅驕傲又再次被冷嘲熱諷淹沒，逐漸失去獨當一面嘅顏色－只因一件隊服用咗被詛咒般嘅黑色。香港運動員嘅遭遇，就似呢個城市嘅縮影，提醒我哋：這是最壞嘅時代。

但係人總需要繼續前進。整理好自己，拍走身上嘅塵土，重新行落去。但真係可以做到自己最好嘅時代嗎？ [按：寫到呢到，原本想寫得正面一啲，但見到網上嘅反應（不論係本人嘅回應或者係其他人嘅評論），我唔想下巴輕輕地指指點點，留低最重要嘅一句就算] 這是最壞嘅時代，但我哋仍然要做最好嘅自己－即使最後徒勞無功，起碼都付出過汗水精力跑過。

但穆嘴閪門梓等人就點跑都走唔甩－仆你個街，輸埋啦，開心未？

#DayByDay 26/7/2021
胞弟嘅中學老師有一句口頭襌：「讀書先讀框架」。聽後不以為然：唔通喺窗邊睇風景要先望窗花？但對呢一兩年嘅香港人嚟講，諗、做啲咩，都要望下有無一個紅色嘅框。

框可以係有形嘅：對正受囹圄之苦嘅同路人嚟講，每一日起身都係望到鐵窗先睇到天色。框亦可以係有形仿無形嘅：多得茶記老細振臂一呼，ICAC呢個名先重返大眾視野；新香港下嘅ICAC第一單case，係框死戴耀廷，而唔係更嚴重嘅蕭澤頤等人。

無形嘅框更係無處不在。莊子用大鵬作喻，強調無所待，不受社會規範、功過設限，發揮自己最大嘅價值。呢種主張依家唔衹因為未能自家庭結構等抽身而更難實踐，更諷刺地被政治化。先唔講蟈安法下一堆紅線，當立法會甚至港隊都（將）有一套衣着規範，呢個城市係咪仲係一樣自由？

呢個可能就係新派歌手同港隊健將被香港人大為追捧嘅原因：新曲風、新突破成為咗大家突破框架嘅投影，期望有一日不衹換位思考，而係實質地換位。今晚，張家朗就係一個好例子－恭喜🎉

－
【博恩夜夜秀】賀瓏小夜秀－結算整季欠博恩的負債 | STR Network
https://youtu.be/wca9OH9HXFk