Auzotar batzuk etxekide bila dabiltza. Interesa izan dezakeenik ezagutzen baduzue, irudiko iragarkian daude harremanetarako datuak.
#Txokoalde #Usurbil

@AVU_Osoro Nire auzoan, #Txokoalde​n, tren geltokia zegoen, baina urte asko dira ez dela trenik geratzen, auzotarrak kexatu arren, ez omen delako errentagarria.

Galardiko Orio alderako autobus geltokia ere lotsagarria da. Geltokia zerbait esateagatik, gasolindegiko sarreran inongo babesik gabe, ez eguralditik ez trafikotik, itxaron behar zaiolako autobusari. N-634 errepidea gurutzatzeko zebrabiderik ere ez dago.

Gero garraio publikoa erabiltzeko esaten dute...
#Usurbil

@txikillana @gontxatorre @desertorea @otsokume @birasuegi @mikelgs Hemen “Aginaga, Errioko jarduerak eta bertako hiztegia” liburuko zati batzuk. PDFa online zegoen, baina ez dut aurkitzen. XX. mendean #Aginaga eta #Txokoalde inguruan oso ohikoa zen ala bat izatea. Gaur egun ere badira alune edo alatokiak eta alak ere bai. Egituraz garai batekoen antzekoak direla esango nuke, baina motorrarekin. Ni lagun batenean ibilia nago. Argazki batzuk ateratzen saiatuko naiz.

#GaurkoEgunez, duela 25 urte, 1997ko uztailaren 1ean, zerua goitik behera erori zen nire auzoan, #Txokoalde​n.

Goizeko 9etatik 10etara I-ZU-GA-RRIZ-KO jasa bota zuen. #Andatza​tik behera datorren Erroizpe erreka koxkorrak Oria ibaiak adina ur zeraman egun hartan eta zubia bat, errepidea... aurretik eraman zituen.

Lehen argazkian Erroizpe erreka iaz, ur asko, normalean baino askoz gehiago, zekarren egun batean. Bigarrenen argazkia 97koa da. #Usurbil
https://noaua.eus/usurbil/1654079128099-gaur-25-urte-1997ko-uholde-latz-haietatik

Gaur arratsaldean #DeliriumTremens talde mitikoak kontzertu "sorpresa" eman du #Usurbil​go #Txokoalde auzoko #AkerraGaztetxea​ren kanpoaldean.

Hasiera batean barruan izatekoa zen, baina ezustekoa uste baino gehiago zabaltzen ari zenez, kanpoan egitea erabaki dute gazteek.

Emaitza bikaina izan da eta bertaratutakoek, tartean gaztetxeko beterano askok, izugarri gozatu dugu!

Taldera batu berri den Haritz Harreguyk harreman handia du gaztetxearekin:
https://mastodon.eus/@aldatsa/107928811324605660

#Usurbil​en hondakin organikoak bi modutan konpostatzen genituen orain arte (575 familia)
* Auto-konposta: Baserri edo etxe bakoitzak bere konpostagailua.
* Auzo-konposta: Hainbat auzokideren artean.

Gainerakoa herritik kanpora eramaten zuten. Orain #Txokoalde​ko Lartzandieta baserrian baserri-konposta egiten hasi dira: urtean 48 tona.

Baserri gehiagotara zabaltzea da ideia, urtean biltzen diren 700-800 tonak herrian bertan #konposta​tzeko.
https://www.usurbil.eus/eu/-/udalak-eta-behemendi-elkarteak-usurbilgo-baserri-konposta-abiatu-dute-elkarlanean

Udala eraikina berritzeko egiten ari den lanak amaitzean laster irekiko da berriz ere #Txokoalde​ko #AkerraGaztetxea!

Beheko pisuan orain arte bezala gaztetxea egongo da eta goikoan sortzeko bidean dagoen auzo-elkartearen erabilera anitzeko gela.

📷 #Usurbil​​go udala

🌳#Txokoalde​ko frontoi ondoko haritz kanduduna (Quercus robus) #Usurbil
20 metro inguruko altuera du, enborraren perimetroa ia 2,5 metrokoa eta koparen diametroa 15 metrokoa. 90-100 urte bitarteko adina duela uste da.

📌43.26837° N, 2.06705° W

@zital @urtzai 2001eko uztailak 14an izan zen kontzertu hori.

Aspaldi hartu zigun erreleboa beste belaunaldi batek, baina oraindik existitzen da #Txokoalde​ko #AkerraGaztetxea. 2019ko udazkenean parte hartze prozesu bat egin zen eraikinaren etorkizuna erabakitzeko. Une honetan berritzeko lanetan ari da udala. Beheko pisuak gaztetxea izaten jarraituko du eta goikoan auzotarren bilgunea egongo da.
https://noaua.eus/txokoalde/1583319512527-txokoaldeko-akerra-gaztetxea-eta-auzotarren-bilgunea-etorkizunean
#Usurbil