Van comezar os incendios e de novo vai saír a explicación reducionista de que todo é culpa duns pirómanos hipotéticos que ninguén coñece nunca. Xamais abranguiremos a verdadeira dimensión do problema mentres non problematicemos a relación do noso modo de produción co medio ambiente. O gran motor dos incendios e da desertificación galega non é ningunha rede conspiranoica, é o sistema socioambiental mesmo que volve á natureza algo alleo a nós suxeito á desatención e explotación.

Faltan análises estruturais da relación do Estado Espanhol, da Xunta e do caráter subsidiario de Galiza dentro de Unión Europea coa depredación ambiental que padecemos e o despoboamento do rural. Son todas dinámicas continxentes a un proceso de acumulación do capital. Despoboado o rural, privatizados os montes comunais, dependendo a xente do mercado para satisfacer as súas necesidades... a poboación flúe cara as cidades, onde o medio natural se lles presenta coma algo externo e a xestión dos montes pasa dende as mans da comunidade ás mans do capital. Soamente polo proceso de acumulación do capital foi eucaliptizada Galiza, soamente por iso foron anegadas vilas enteiras por encoros, e de novo polo proceso de acumulación do capital proliferan os macroeólicos que expulsan á poboación tradicional das aldeas.

E van chegar os incendios outro ano máis e ninguén pensará nas institucións que depredan o noso medio porque estarán ocupades anoxándose cuns pirómanos conspiranoicos que non existen. E a Xunta, o tecido empresarial e o Estado saen gañando de novo.

#incendios #Galiza #Galicia #capitalismo #despoboamento #macroeolicos #eucaliptizacion