Termeņš redigiešonai - da Dzīšmu svātku beigu. Tod - da ceļuojuma.
Realitate. Iz Pūlejis autobāņa beidzūt daboju vysus tekstus. Cikom bokstūs, izdziešu gondreiž vysys atsaucis.
Vēļreiz juosautoj ar atstarpem i cytim seikumim (pyrmū porceju izutuoju, nazynūt, ka nav vysi tekstu), taidus seikumus kai drukys klaidys i genitivu naskaitūt.
Gols golā autors pasaceis - dorit, kai vajag, maņ vysleidza, asu nūgurs.

#dzeive

Iz datora naīt div lopys - twitter.com i ikea.lv. Bez pādejuos var iztikt, a pyrmuos tryukumu kompensieju, izlīkūt Ice Cubes aplikaceju Mastodonam. Tai ari dzeivojam.
Mozū bārnu nūlyku gulātu, grybu pastruoduot pi Vaļuka jaunuos gruomotys manuskripta. Laiks sev = dorbs. :(

Nūpierku sev goldu, pajēme dāls. Niu es pi veira golda. Ka naktī gribēs struoduot, īs pi dāla golda.
Mes kai spēlē, kur vysi īt iz riņča apleik krāslim - kod muzyka beidz skanēt, sāstās. Kam golda nav, tys īt gulātu.

#dzeive

Nūpierku IKEA mozgaļdeņu, bet suocēs leits. Niu dūmoju - nest augšā nu mašynys, lai salīk veirs, voi nest augšā reit i likt pošai.

Atdeve bārnam ritini. Duovynuotam zyrgam zūbūs nasaver, bet aizdūmys, ka tī palykuse tikai apdauzeita rama i varbyut skrytuli. Bremze saryusiejuse i tur kusteibu, kēde taipat.
WD40 voi par reizis izsvīst?

Tik daudz sarežgeitu izvieļu. I kai lai dzeivoj mīreigi.

#dzeive
#latgaliski

Vīns apreja tikai buļbis, ūtram aizguoja vystys kuoja i tomatu-ogūrču salati. A trešs guļ. Vīnkuorši guļ. Jau trešū stuņdi guļ. Kruoj spākus naktei.
Izdzieru korstu kopeju. Attaiseju datoru. Kū gruobt, kū giut.

#Dzeive
#DzeiveArBārnim
#Latgaliski

Vysu nedeļu beja tik švaki, partū ka sit pi kuru durovu gribi, nivīna nav sātā. Nazynu, varbyut poša vysys durovys seņ asu aizslāguse, varbyut tys ir BKA hermetisms, varbyut vysi celi seņ cīši, bet nazkai sakuope dūša, ka nav nivīna cylvāka. Sarunys maina temu i apseikst.
Šudiņ eisai satyku draudzini ar div juos meitom, kas cyta storpā plēsēs - taipat kai munejī, fūūū, mes asam normali. Bet maņ otkon ir pylnys batarejis.
Vajag tik moz. Apsarunuot. Pasasmīt. Izdzert kopeju.

#Dzeive
#Latgaliski