Aldundiaz erdiazka harro.

Errenta-aitorpenerako gidaliburuan garbi jartzen du: ordaindutako sobornoak ezin dira deduzitu.

Ea noiz jartzen duen kobratutakoak deklaratu egin behar direla.

#ezinleizkengauzak

Gaur Zakilixutek gogorarazi dit piloaren azpian lagata daukadala Sed Quia Sua, hirugarren aukeraren zain.

Zuek liburu horrekin ondo?
Ni oraindik zalantzan niretzat zer den...
#ezinleizkengauzak
#baleizkengauzak

Usaina ekarri nahi nizuen, baina ezin denez...

#ezinleizkengauzak

Bart
amets egin dut
gure pausoan bizitzera deliberatu dela Zuhaitz
Ta aurrez aurre so
errotik botatzera datorkiona
gupidagabe
Sustraiak lurpetik atera ta
gupidagabe
lepoa ebaki dio
Errotik botatzera zetorkiona
ta aurrez aurre so
Zuhaitz
Ta haren pausuan bizitzera deliberatu garela
amets egin dut
bart

#ezinleizkengauzak

Hotzak trikutu egiten nau.
Handitan hibernatu egingo dut

#ezinleizkengauzak

Handitan itsasertzeko olatua izan nahi dut

#ezinleizkengauzak

Minimalismoak ez du tokirik etxe txikian

#ezinleizkengauzak

Etxea garbitzen
liburuek lanik handiena...
Tsundokuak han-hemen
gero ta gehiago
gero ta handiagoak...
Ta #azoka ate joka...

Libra nazazu gaitzetik
Durangoko dama...

#ezinleizkengauzak