Amaitu dut #IlunpekoZelataria :elegose: @elegose
Gustura irakurri dut.
Amaiera bikaina.
Testu arina (esaldi laburrak) baina landua.
Girotze ona.
Ez dakit zergatik baina... amaierako parteak #strangerthings ekarri dit gogora.

Kaixo, adiskideok:

:elegose: Zer moduz martxoko irakurketarekin? #IlunpekoZelataria irakurri duzue? Baloratu/Iruzkindu duzue irakurketa Paperjale.eus berrian? Sartu kuxkuxeatzera https://paperjale.eus/

Bada, apirilean zein liburu irakurriko dugun aukeratzeko momentua heldu da:

🗓️ Martxoak 20 - 26: Liburu proposamenak egin #2023ApirilerakoProposamenak traola erabiliz.
📊 Martxoak 27 - Apirilak 2: Inkesta betetzeko tartea.

Hasi. 🤩

Pixka bat kosta zait, baina engantxatu nau #Ilunpekozelataria​k. A ze tentsioa irakurri dudan azken kapituluan (erdia edo daramat). Aspaldi da horrelakorik sentitzen ez dudala irakurketan. Ia geratzen zaidanean ere horrelako gehiago dauden, ze asko gustatu zait!

@elegose

:elegose: @elegose
#IlunpekoZelataria bukatuta. Gerraosteko Iruñean girotuta dago Alberto Ladronen azken liburua. Hilketak eta fantasia uztartzen ditu eta tentsioa eta intrigari eusten dio, orrialdez orrialde.

Bere beste eleberrien aldean, neure gusturako alde fantastikoak pisu handiegia hartzen du, baina hala ere engantxatuta izan nau bukaerara arte.

Bitxia egiten zait "Euskal Noir" edo "Noir euskaldinavo" terminoak entzuten ditudanean. Ez dut oso garbi kontzeptua gustatzen zaidan ala ez.

Eta, jakina... "euskal" horrek zarate egiten dit, gaztelaniaz idatzitako nobelez ari direnean.

Eta... bekatua aitortuko dut: oraindik ez dut Ladron Aranaren libururik irakurri, ezta Jon Arretxek Toure detektibeari buruz idatzitakorik ere. Hori konpondu beharra dago: #IlunpekoZelataria @elegose

https://www.penguinlibros.com/es/recomendaciones/lecturas/euskal-noir-mikel-santiago-ibon-martin-javier-diaz-carmona-noelia-lorenzo-pino?recomendados=1

:elegose: Kaixo, elegosetarrok!

✅ Inor kontra agertu ez denez, dagoeneko erabaki dugu zein izango de martxoan irakurriko dugun liburua. @Alex lagunak proposatutakoa izango da:

📖 Ilunpeko zelataria, Alberto Ladron Arana https://www.elkar.eus/eu/liburu_fitxa/ilunpeko-zelataria/ladron-arana-alberto/9788413602356

Beti bezala liburuaren izenburua erabiliko dugu traola gisa, hau da, #IlunpekoZelataria.

Irakurketa on!!!

#2023MartxorakoProposamenak
Beste proposamenik ez badago, otsailean hautatu gabe geratu zena irakurriko nuke nik
#IlunpekoZelataria
Zer iruditzen zaizue?
@elegose

Zer egiten dut nik taberna honetan? https://blogak.goiena.eus/sagasti-etxea/2023/02/03/zer-egiten-dut-nik-taberna-honetan/ #Ilunpekozelataria

@Alex @elegose nik ere liburu horixe, #IlunpekoZelataria proposatzeko asmoa neukan! #2023OtsailerakoProposamenak

Alberto Ladron Aranaren #IlunpekoZelataria eleberriak erabat harrapatu nau. Bere liburuen oso zalea naiz, baina fenomeno paranormalak dituzten istorioena orokorrean ez hainbeste, batzuetan gustuko ditut eta beste batzuetan oso sineskaitzak egiten zaizkit. Ladron Aranak gerraosteko Iruñea ilunean elementu fantastikoak ederki txertatu dituela iruditzen zait. #Dagomendat

#IlunpekoZelataria oso gustura irakurtzen ari naiz. Egun hauetako argien distira nobela beltz batekin itzali nahi baduzue, aukera polita duzue Alberto Ladronen honekin. 🩸⚰️

Protagonistak oso ondo funtzionatzen dute, fantasia ukitu politak ditu, oso erraz irakurtzen da eta pasarte batzuk oso oso oso beltzak dira.

@Izaskun uste dut zure gustukoa izan daitekeela. 😜

#IlunpekoZelataria​n behin baino gehiagotan aipatzen da Iruñeko Hildakoen Monumentua. Ez nuen ezagutzen eta ahateari galdetu diot, baina emaitzik ez.

Dauzkadan argi apurrak piztu eta 1947an girotuta egonik, Eroritakoen Monumentua izango zela bururatu zait. Ezaguna 2005 inguruan Mola eta Sanjurjo ateratzeagatik. Niretzat bederen.

Iluminatu orduko ez dut azaleko eraikina identifikatu... 😶‍🌫️

Galdera: adiera frankista sahiesteko deitzen dio Hildakoen Monumentua ala Iruñean hala deitzen zaio?