Nūpierku IKEA mozgaļdeņu, bet suocēs leits. Niu dūmoju - nest augšā nu mašynys, lai salīk veirs, voi nest augšā reit i likt pošai.

Atdeve bārnam ritini. Duovynuotam zyrgam zūbūs nasaver, bet aizdūmys, ka tī palykuse tikai apdauzeita rama i varbyut skrytuli. Bremze saryusiejuse i tur kusteibu, kēde taipat.
WD40 voi par reizis izsvīst?

Tik daudz sarežgeitu izvieļu. I kai lai dzeivoj mīreigi.

#dzeive
#latgaliski

Dzīd "Graidi", itūs Dzīšmu svātku kūru karu lobuokais veiru kūrs. Paraleli raugu tikt golā ar sovim vacajim tekstim.
Apsastuoju i verūs iz jūs seju. Kas jī ir cytur. Policisti, miernīki, mežsorgi, deputati voi programmātuoji. Bet ite dzīsme izmaina, vairs nav svareigi, gaišys sejis i skaņ.
Nikod nadzīduošu kūrī, bet varu tikai apbreinuot.

#Atrodumi
#DziesmuSvetki
#Latgaliski

https://ltv.lsm.lv/lv/raksts/01.07.2023-lielas-balvas-ieguvejs-rezeknes-valstspilsetas-pasvaldibas-agenturas-rezeknes-kulturas-un-turisma-centrs-viru-koris-graidi.id298792

Vīns apreja tikai buļbis, ūtram aizguoja vystys kuoja i tomatu-ogūrču salati. A trešs guļ. Vīnkuorši guļ. Jau trešū stuņdi guļ. Kruoj spākus naktei.
Izdzieru korstu kopeju. Attaiseju datoru. Kū gruobt, kū giut.

#Dzeive
#DzeiveArBārnim
#Latgaliski

Nūsavieru vīnu epizodi nu seriala "Kolektīvs" - "Kristīne":
https://viedtelevizija.lv/skaties/serials-kolektivs-kristine
Nazynu, cik apzynuota vītys izvēle ar "lauku" kūra i "piļsātys" kūra sasatikšonu Saurīšu stacejā i Ulbrokys pērli pyrms tam, ūtra KN naatpazynu, bet tik precizi saguojs pasasmīt par nūvodu reformu i lokalūs centru Ruopaži / Stuopini jimšonūs sovā storpā.
Gols golā saguoja Ruopažu nūvods ar centru Ulbrokā, bejušuo Stuopeņu nūvoda golvā.
Vītvuordu pareizraksteiba ite literars pajiemīņs. :)

#Kolektīvs
#latgaliski

Vysu nedeļu beja tik švaki, partū ka sit pi kuru durovu gribi, nivīna nav sātā. Nazynu, varbyut poša vysys durovys seņ asu aizslāguse, varbyut tys ir BKA hermetisms, varbyut vysi celi seņ cīši, bet nazkai sakuope dūša, ka nav nivīna cylvāka. Sarunys maina temu i apseikst.
Šudiņ eisai satyku draudzini ar div juos meitom, kas cyta storpā plēsēs - taipat kai munejī, fūūū, mes asam normali. Bet maņ otkon ir pylnys batarejis.
Vajag tik moz. Apsarunuot. Pasasmīt. Izdzert kopeju.

#Dzeive
#Latgaliski