Nire bihotzerako bidea ogi-apurrekin iragarri nIzun, baina usoek jan zituzten #mikroipuina

Oporretara joaten naiz bizilagunak nire etxeko landareak berpiztu ditzan #mikroipuina

Gure askatasunak mugikorraren kargagailuaren luzera du #mikroipuina

- Maite zenuen?
- Asko.
- Zenbat?
- “Eperrak” kanta zubereraz abesten nion.
- Arranopola!
#mikroipuina

Batzuetan katua izan nahiko nuke, mahai eta apalategietatik gauzak plazeragatik botatzeko #mikroipuina

Bizitza handia da.
Siesta, handiagoa.
#mikroipuina

Formula berriak behar ditugu, non 2+laztan=infinito eta holakoak.

#mikroipuina

Sokak ez dauka katebegirik. Soka, beti. Katea, inoiz.

#mikroipuina

Abezetak marrazten genituen paretetan, kexati alfabetoaren egoeraz.

#mikroipuina

Gaur gauean kendu diguten ordu horretan esan behar nizun maite zaitudala #mikroipuina

Eskua luzatu diot.
Ifarretik dator haizea.
Eskua gorde dut.

#mikroipuina
#antihaiku

Goizeko 6etatik 12etara lo aurpegia izaten dut eta hortik aurrera neke aurpegia #mikroipuina

-Iritsi da eguna.

Hala esan dit. Galdetzekoa ez naizenez, baietz markatu diot begiradarekin. Eta bera joan da, eta ni joan naiz, biok joan gara eta dendaria bakarrik gelditu da, dena ulertu balu bezala, eta horrek janda nauka.

#mikroipuina

Ohea balitz Paradisua, zu Adan, ni Eba, iratzargailuaren gibelatzailea litzateke sugea?

#mikroipuina

Oinezean noa, burua galapan eta bihotza geldirik. Oinazean noa.

#mikroipuina

Asteartean zoriontsu bazara, lortu duzu #mikroipuina

Apaizari «hala bedi»ko hatxea ahaztea garesti atera zitzaion.

#mikroipuina

Esnatu zenean, euskararen kontrako oldarraldiak han jarraitzen zuen #mikroipuina

Aspaldian zor nizun besarkada eman dizut, eta orain dena pixka bat hobeto dago #mikroipuina

-Ze, Fanto?
-Ze, Ander?
Eta biok abiatu gara tabernazulo berera, bide ezberdinetatik, bakoitzaren berri jakin barik.

#mikroipuina