Contra a crise e a pobreza. Políticas públicas, salarios e pensións dignas

Vivimos unha crítica situación ante a brutal ofensiva do capital e do belicismo, da #OTAN e da guerra como sistema de explotación e dominación aos pobos e ás clases populares.

A grave carestía da vida, xa presente desde antes da guerra mais agravada desde o seu inicio, está acelerando o aumento das desigualdades e da pobreza.

A in­acción está descontrolada, os #prezos da electricidade e dos combustíbeis non baixan e os produtos de primeira necesidade soben a prezos desorbitados.

Estamos nunha situación económica e social extrema que está a ter un impacto brutal, nunha #Galiza con importantes sectores produtivos e comarcas enteiras agonizando, con cada vez menos emprego e industria, con máis emigración e con máis poboación avellentada.

Confírmanse a insuficiencia das medidas do chamado Plan de Resposta Económica á Guerra e as nefastas actuacións do Goberno galego. A isto hai que engadir a aprobación dun duro paquete de reformas para satisfacer as inxustas exixencias da #UE e acceder a uns envelenados fondos europeos que están a hipotecar o noso futuro.

Os orzamentos do Goberno galego e os do Goberno español son unha suma de medidas inxustas, tanto pola discriminación do destinado a Galiza, como porque non dan solución ás graves carencias e necesidades sociais.

Veñen acompañados, ademais, de lesivas reformas na Seguridade Social, que se suman á última reforma laboral, na que nin recuperamos nin gañamos dereitos, mentres avanza, baixo novas formas, a precariedade laboral.

Pola contra, máis cartos públicos para armamento, máis medidas para impoñer o Pacto de Rendas e o nefasto diálogo social, con subas salariais que non garanten poder adquisitivo dos salarios, mentres o SMI e as pensións seguen por baixo do que recomenda a Carta Social Europea.

Estamos chamados e chamadas ao conflito ante a patronal, na negociación colectiva, e ante os Gobernos galego e central, para que se aproben medidas de intervención pública na economía e nos sectores estratéxicos (financeiro, enerxético etc.). Un verdadeiro Plan de Choque urxente para frear os efectos devastadores dos altos prezos e para afrontar unha saída galega xusta da crise.

Témonos que mobilizar para facer fronte a esta situación, porque está en risco que a clase traballadora galega sexamos quen paguemos, máis unha vez, esta nova crise, como pasou coas crises anteriores.

+ Info: https://www.cig.gal/nova/contra-a-crise-e-a-pobreza-politicas-publicas-salarios-e-pensions-dignas.html

RT @bngparlamento: En plena #crise de #prezos que afoga ás familias, o #GobernodoPP:
❌pelotazo fiscal para 7.700 millonarixs
❌suba da #auga
❌e agora... suba da factura do #lixo
🔉@anaponton: "o PP, máis preocupado polos beneficios de Naturgy que polas familias galegas"👇
https://www.bng.gal/articulo/novas/ponton-recrimina-xunta-suba-da-factura-do-lixo-sogama-que-castiga-ainda-mais-familias-medio-da-crise-prezos/20221103172933033487.…

🐦🔗: https://nitter.eu/anamirandapaz/status/1588303176037724160