A prepaus dera darrèra publicacion, creigui que, dera madeisha faiçon que quan arribè en Finlàndia, plan de vosati me dideratz que tà 10 cèntims dilhèu non aniríetz cap tà amiar ua lhauna ath supermercat. E çampar jo tanpòc! Mès pr'amor qu'anè en aguest país coma estudiant d'Erasmus, enes pisi d'estudiants s'i hègen fòrça hèstes. Quan era tampona s'hège en mèn pis, damb toti es sòs que mos balhaue era maquina deth supermercat jo e es mèns companhs de pis mos chapàuem un bon esdejoar! #Proïbicion

Çò que sense dobte acabaria hènt obligatòri er hèt de reciclar. En Finlàndia, ath delà dera proïbicion de hèr tapatge tàs 11 dera nèt, tanplan demorè fascinat damb enquia quin punt es finesi promòven eth reciclatge. Quan ua persona crompa ua botelha de plastic o veire o ua lhauna, paga entre 0,10 e 2 èuros mès. Aguest prètz ahijut ath producte ei retornat quan s'amien es envasi vueits ath supermercat. Se ben çò non ei ua proïbicion deth tot, creigui qu'ei ua plan bona iniciativa. #Proïbicion

Dilhèu me diratz que aquerò non ei ua #proïbicion #polemica mès eth que jo proïbiria ei era propaganda electorau, sustot era impresa, mès tanben es panneus e er abus ena television e ena radio. Era grana quantitat de papèr que usen ena publicitat impresa ei un gran perjudici peth miei ambient: mos cau èster sostenibles e eth madeish govern ac incomplís. I a d'autes mijans entà accedir ara informacion que mos volen transmèter es partits. Tanben podem sollicitar de non recèber publicitat en casa!