Òla @peiroccitan ! Celebri qu'ages auut era sòrt de trapar ua persona coma Montse. A viatges es ligams personaus mos poden amiar tant peth bon camin coma peth peiregar... Supausi qu'as persones qu'èm mès racionales, tostemp mos còste auer era sufisenta confidança damb quauquarrés tà embraçar era irracionalitat inerenta as relacions umanes. Soent vedem era vida coma es matematiques, on un mès un ei tostemp dus. Damb es persones, açò jamès ei atau. Tant se mos agrade coma se non... #Racionalitat

Bères persones creiràn qu'èster quauquarrés racionau ei premanir-se ben ena joenessa, arténher un bon trabalh ena adultesa e restar tranquil ena vielhesa. Totun, d'autes dideràn que non i a quauquarren mès racionau que profitar dera unica vida qu'auem enquiara darrèra minuta. Ath mèn vejaire, cap des dus son enganhats. Aristòtel dejà didie qu'ua bona conducta morau ei aquera que cerque l'equilibri entre es dus extrems. Ena teoria semble fàcil, mès ena practica ei ua auta causa... #Racionalitat

A despiet qu’auem creishut damb er axiòma de qu’èm èsters racionaus, i a fòrça viatges enes que creigui qu’ac auríem d’arrevéder pr’amor qu’es decisions que hèm non an bric de #racionalitat: quan er uman afronte diuèrsi situacions generaus deuerie pensar en benèster dera #societat ara qu’apertenh, mès ena màger de còps es resolucions s’adrecen tà satisfèr sòn pròpi interès; era logica plan viatges se semble ara subervivença qu’an auti èsters vius, exceptat dera cobesença, qu’ei inerent ar uman.

#Racionalitat : Enquiara coneishen¢a dera mia planvoluda hemna Montse que m'auia guidat e enganhat pes sentiments més irracionaus e pecs en ço que tanh as hemnes. Pr'amor d'açò arrecebe diuersi patacs amorosi. Més totun un dia pense: PRO. As de besonh ua hemna de sciència més tanplan umana que li shaute era natura. Me so engatjat en aguest nau camin "racionau" e dempus de 6 mesi Montse e jo mos coneisherem en web "Gent com Tu" e a compdar d'un an mos mariderem. Ara l'estimi irracionauments!!!

Ei clar que l’èster uman a era qualitat dera racionalitat. Totun, a viatges decidís non èster-ac, e decantar-se pera via emocionau.

Pensi qu'aguesta irracionalitat ei soent ua decision, mès açò no vò díder que totstemp sigue era opcion incorrècta.

#Racionalitat #Personalitat #Societat

Sonque cau rebrembar es imatges des aficionats der Espanyol que perseguien es jogadors deth Barça tà comprovar era pòca #racionalitat der èster umà. Es emocions passen dauant der pensament o la logica. Guairi viatges, se mos arturèssem um moment tà pensar, non responeríem tan visceraument.
Aquerò a sigut atau de tostemps: i an guerres, mos panam es terriròris e es riqueses, mos pensam que èm milhors que es auti,...
Coma ditz er antropòleg Carbonell: encara non èm umans.
#racionalitat #societat

È tostemp dit qu'eth sens comun ei çò mens comun de toti es sensi. I a fòrça gent que ditz se moure per pulsions, per sentiments, mès non creigui que sigue vertat. Pensi que reaccionam segons çò qu'auem aprenut qu'ei "normau" a nivèu sociau. O ac hèm justaments entà hèr aquerò que non ei comun. Dilhèu, donques, calerie escotar-mos mès e èster mès animaus e mens umans e atau hèr es causes d'ua auta manèra. #Racionalitat #Personalitat #Societat

Òla @Gargolhavermelha25 ! Era vertat ei que damb aguesti arguments, non i a faiçon de discutir-te qu'er èster uman pogue èster tot a hèt racionau... Mès non penses que son precisament aguestes emocions o aguesti sentiments que planteges es qu'a viatges an portat ar èster uman a cométer moltes des atrocitats que denoncies? Mos cau èster mèslèu racionaus o ben mèslèu sentimentaus? Trapi qu'ei un tèma ben complicat! #Racionalitat

Çampar er hèt qu'er èster uman non sigue racionau ei çò que hè qu'eth trabalh deth scientific sociau sigue talament fascinant, o ben coma cercar era net pes armaris, se guardam eth veire miei uet. Enes sciencies exactes un mès un tostemp son dus, pr'amor qu'era racionalitat ei eth hiu conductor deth sòn plantejament. Totun, creigui que, quan òm estudie era istòria o era literatura, aguesta règla jamès se seguís, donques era irracionalitat der èster uman tostemp altere es calculs! #Racionalitat

Er èster uman racionau? S'ei atau, non ac hè fòrça plan... Entà començar, ei er èster mès destructiu dera planeta, non sonque dambes auti umans, mès damb tot çò que li entornege. Destruís bòsqui e animaus, contamine arrius e mars... Jamès a existit era patz complèta ena planeta, ei açò racionau? Se dam mès importància as sentiments e es emocions positives mos anarà melhor..... #racionalitat

Pensi qu’eth èster uman ei un animau racionau, però es persones non tostemp son logiques pr’amor qu’a viatges hèn causes sense sens. Soent es persones actuen influïdes pes sòns sentiments positius o negatius. Eth limit pòt èster es sòns interèssi personaus.

Abans de hèr ua causa cau pensar racionaument tà preveir es conseqüéncies des nòstes accions. Considèri que cau avalorar era nòsta actuacion e guidar-mos tostemps pera logica e eth pensament racionau.

#racionalitat #sentiments #interèssi