Òla @wordarranger ! Coma dejà è comentat en bères escadences per aciu, de nauèth creigui que sonque nosati madeishi podem definir es limits de çò qu'ei ua relacion sana. En cada etapa vitau cada un auem uns besonhs desparièrs, dejà sigue en airau individuau coma en collectiu. En tot auer un trabalh fòrça sociau, jo valori plan auer eth mèn espaci tà èster solet de temps en temps. A viatges senti que quan non l'è auut en tot eth dia, ei quan era mia jornada non a anat deth tot ben... #Relacions

Consideri qu'en cap cas auríem de capir era dependéncia emocionau coma quauquarren negatiu ath sens estricte. Non aurie d'èster nonvolent er hèt d'auer de besonh es persones qu'estimam. Tot e tier-me per un lop un shinhauet solitari, creigui qu'ei plan san auer un cercle, mès o mens ample, de persones pes que mos en hèm e que se'n hèn de nosati. Evidentament, en cap cas aguests ligams auríen de derivar en conductes qu'envadisquen er espaci personau, tot e qu'a viatges sigue dificil... #Relacions

Er èster uman ei un animau gregari e racionau que viu en ua societat construida damb quauqui (massa) besonhs superflus ath torn dera sua subervivença, çò que vò díder qu’eth màger de viatges hè causes tà emparar eth sòn ideau vanitós d’existéncia; atau es #relacions creades, com es #parelhes, plan viatges seràn sentimentaus e collaboratives trèt qu’es interessi non siguen satisfèts per mor d’uns hèts o idèes disparièrs. Qu’ei dificil establir es limits dera convivéncia ena dependéncia emocionau!

Un companh de trabalh tostemp ditz qu'es sòns problèmes comencèren quan comencèc a auer contacte damb era gent. Es #relacions son fòrça complicades. Non sonque es de coble, mès tanben damb era familha e es amics. Soent non èm ne onestes ne justi damb es autes. Maugrat tot, jo è trobat fòrça boni amics laguens eth mon occitanista e ua causa que mos caracterize ei era libertat d'èster nosates madeishi. #VidaSociau

Ua causa que me cride fòrça era atencion sus es #Relacions entre amics es que soent eth temps que dure era relacion ei cuert. Voi díder que fòrça amics dera nòsta vida les auem pendent moments fòrça concrèts, mès que dempús desapareishen…
Ara fin demoren 3 o 4 amics, non guairi mès.

Tà hèr qu'era convivencia en ua #parelha funcione a de besonh que i age ua bona comunicacion, empatia e un shinhau de sacrifici. Se auem parelha ei que auem molti causes en comun e pensam de manera parièra mès non em iguals. I a d'auer pro confiança tà hèr e deishar hèr. Non cau anar tostemps amassa. Cadun a era sua personalitat e non se pot pèrder. Se mos sacrifiquem tostemps tà mantier ua relacion aquerò non aurà pas guaire futur. E se ei atau era #relacion serà longa e sana
#relacions

Pensi qu’en totes es relacions ei essenciau eth sacrifici (aumens un shinhau). Entre nosati èm disparièrs, e açò mos hè a auer eth besonh d’èster mès flexibles entà er aute. D’aguesta manèra, er aute harà eth madeish per nosati. Ei ací quan apareish l’equilibri.
#Reflexion #Relacions #Parelha

@wordarranger As arrason, ua bona comunicacion e confidança son de besonh en quine relacion personau que sigue. Mès a viatges era rotina e eth temps pòden amendrir es desirs de compartir e parlar. Cau esforçar-se e suenhar es relacions importantes. #Relacions #Parelha

Creigui qu'era seria This is us, qu'ei fòrça coneishuda, rebat fòrça plan es relacions de coble, entre frairs, de pairs, mairs e hilhs e hilhes... Jo la descorbisqui ara e m'agrade força. Çò que mès m'agrade ei qu'ei realista, damb relacions que se trinquen encara qu' age amor, cobles que discutissen encara que s'estimen, gelosies entre frairs... E qu'eth pas deth temps enes personatges ei fòrça plan hèt. Encara sò dins era sason quate, demani qu' arrés me hèsque spoilers se vos platz😅#Relacions

Qué ei ua relacion sane? Fòrça facil d'arrespóner: ua que non hèsque mau ad arrés. Eth problèma ei que conviuem damb eth mau a fòrça nivèus. A viatges ne mo n'encuedam. Tà jo ua qualitat fòrça important ei que i age comunicacion. Tà jo ei essenciau que posquem parlar de çò que mos arribe en quin moment que sigue. #Reflexion #Relacions #Parelha

Tens tota la veritat del món, és complicat a vegades. No saps quin camí agafar per la teva felicitat i dels altres. Algú té la solució?, per això? #Reflexion #Relacions #Parelha

Eth limit tà hèr qu'era convivéncia foncione ei mès que clar: se volam auer ua relacion sana, ua madeisha persona non pòt sacrificar-se tostemps. S’àc hè, era relacion non foncionarà pas. Ua relacion sana a besonh de dialòg, de pensar en er aute, de préner es decisions amassa. Cedir tostemps pòt suportar-se durant un temps limitat, mès non foncionarà a long termini. Ei impossible èster erosi se non mos escotam.

#Reflexion #Relacions #Parelha

Òla @Gargolhavermelha25 ! Bensè qu'es relacions umanes a viatges son malaisides, mès tanben son ua des causes mès importants ena vida, non? Era vertat ei que tà jo ei essenciau auer bones relacions damb es amics, era familha, era parelha, mès ath madeish temps compartisqui damb tu que tota bona relacion neish de çò de madeish, e se non començam en tot suenhar-mos serà ben complicat poder establir bones relacions damb es persones qu'estimam, o ben damb aqueres que volgam her-ac... #Relacions

Dilhèu ua des causes que cambie mès a mesura que creishem son es nòstes relacions personaus. En èster mainatges sonque mos podem relacionar damb eth redusit nombre de companhs de classe. En segondària aguest nombre aumente e ena universitat se multiplique. Ei curiós com en devier adults soent agraïm ara maduresa que mos age ensenhat çò que volem, mès qu'ath madeish temps non pogam esvitar guardar damb engüeg bères relacions qu'antan sigueren eth frut der azar o ben dera inexpertesa... #Relacions

Jo respècti as persones que òpten peth #pòliamor; tà jo, tot ei possible damb eth acòrd des participaires. Totun, jo non poderia auer ua relacion atau. Ja ei pro complicat damb ua soleta persona!

Senon, es mèns hilhs parlen fòrça de #relacions dubèrtes, mès creigui qu’eri non vòlen compromís. Son joeni e vòlen anar de flor en flor.

Eth pòliamor ei ua auta causa. Me semble plan dificil e non arrés pòt auer relacions atau. Creigui que non ei ua mòda, tostemps n'i a auut.

Òla @laia ! M'a shautat fòrça era tua reflexion, e era compartisqui entèrament. Pensi que tà establir ua relacion sana damb quauquarrés, en prumèr lòc mos cau auer ua bona relacion damb nosati madeishi. Se non ei atau, creigui qu'ei precisament quan comencen aqueres relacions qu'aué se diden "toxiques". Totun, trapi que non ei bric facil saber com auer ua bona relacion damb nosati madeishi. Maugrat que sigue quauquarren essenciau, quauquarrés mos a ensenhat com hèr-ac... Non cres? #Relacions

Non ei cap facil establir es limits d'ua relacion sana. Çampar bères persones auràn besonh de quauquarrés que sigue tostemp ath sòn dessús. D'autri preferiràn ua companhia que se reduisque a un acompanhament que non interferisque bric enes sòns projèctes individuaus. Des deth mèn punt de guarda, andues opcions mos pòden comportar auantatges e inconvenents. Totun, çò qu'importe ei qu'a mesura que creishem, sajam de conéisher-mos cada viatge mès tà saber çò que mos ajude e çò que non. #Relacions

@Tonho M'agrade era tua frasa, que cau que mos suenham prumèr entà dempús saber suenhar, sò entièraments d' acòrd damb tu. #relacions

Qué malaisides son es relacions umanes! Damb eth coble, damb es hilhs, damb era familha... Per açò creigui que cau suenhar, amigar e voler fòrça ad aguestes persones importantes ena nòsta vida. Mès sense desbrembar que prumèr cau voler-se e suenhar-se òm madeish, pr'amor qu'es relacions que se basen ena dependéncia e eth sacrifici non amien a bric bon... #relacions

@laia Era opinion que è sús ua relacion ei que a d’èster sana e i li cau auer eth compromís entà que foncione dera manèra qu'era parelha volgue.
Quan a quauquarrés li cau sacrificar constantaments entà hèr mès erosa ara auta persona pensi que non ei ua relacion sana. Mos cau hèr es causes que mos agraden e eth que mos sentem a gust. Non podem depéner emocionaument d'arrés, sonque, de tu madeish. Cau que mos suenham prumèr entà dempús saber suenhar. #Reflexion #Relacions #Parelha